ਜੀ ਹਾਂ! ਉੱਪਰ ਦਿੱਤਾ ਬਿਆਨ ਸਾਡੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਜੀ ਦਾ ਹੈ। ਉਹਨਾਂ ਇਸ ਗੱਲ ਲਈ ਦਲੀਲ ਦਿੰਦੇ ਹੋਏ ਹੋਰ ਅੱਗੇ ਕਿਹਾ ਹੈ ਕਿ ਕੇਂਦਰ ਸਰਕਾਰ ਦਿਆਂ ਯੋਜਨਾਵਾਂ ਨਾਲ਼ ਗਰੀਬਾਂ ਅਤੇ ਹੋਰ ਵਰਗਾਂ ਨੂੰ ਰੋਜ਼ਗਾਰ ਮਿਲਿਆ ਅਤੇ ਰੋਜ਼ਗਾਰ ਤੋਂ ਮਿਲੇ ਰੁਪਿਆਂ (???) ਨਾਲ਼ ਉਹਨਾਂ ਆਪਣੀਆਂ ਲੋੜਾਂ 'ਤੇ ਖ਼ਰਚ ਕੀਤਾ ਜਿਸ ਕਾਰਨ ਕਿ ਮਹਿੰਗਾਈ ਵਧੀ ਹੈ। ਇਹ ਤਾਂ ਫਿਰ ਵੀ ਸਾਡੇ ਪ੍ਰਧਾਨ ਮੰਤਰੀ ਜੀ ਸਨ ਜ਼ਰਾ ਪ੍ਰਣਬ ਮੁਖਰਜੀ ਜੀ ਦੀ ਬੋਲੀ ਸੁਣੀਏ ਤਾਂ ਉਹ ਮਨਮੋਹਨ ਸਿੰਘ ਨਾਲ਼ੋਂ ਵੀ ਮਿੱਠੀ ਹੈ। ਸ਼੍ਰੀ ਮਾਨ ਵਿੱਤ ਮੰਤਰੀ ਜੀ ਫਰਮਾਉਂਦੇ ਹਨ, ''ਸਰਕਾਰ ਨੇ ਮਹਿੰਗਾਈ 'ਤੇ ਕਾਬੂ ਪਾਉਣ ਦੇ ਕਈ ਉਪਾਅ ਕੀਤੇ ਹਨ ਪਰ ਉਸ ਕੋਲ਼ ਕੋਈ ਅਲਾਦੀਨ ਦਾ ਚਿਰਾਗ ਨਹੀਂ, ਜਿਸ ਨੂੰ ਰਗੜੀਏ ਅਤੇ ਮਹਿੰਗਾਈ ਛੂ ਮੰਤਰ ਹੋ ਜਾਵੇ।'' ਸ਼ਰਦ ਪਵਾਰ ਜੀ ਪਿੱਛੇ ਨਹੀਂ ਰਹੇ ਉਹ ਕਹਿੰਦੇ ਹਨ ਕਿ ਮਹਿੰਗਾਈ ਦੇ ਮਾਮਲੇ ਵਿੱਚ, ''ਮੈਂ ਕੋਈ ਜੋਤਸ਼ੀ ਨਹੀਂ'' ਇਸ ਤੋਂ ਇਲਾਵਾ ਉਹਨਾਂ ਲੋਕਾਂ ਨੂੰ ''ਠੰਡੇ ਰਹਿਣ'' ਲਈ ਆਖਿਆ। ਮੋਨਟੇਕ ਸਿੰਘ ਜੀ ਇਸੇ ਦੌੜ ਵਿੱਚ ਸ਼ਾਮਲ ਹੁੰਦੇ ਹੋਏ ਬੋਲਦੇ ਹਨ ਕਿ ਕੀਮਤਾਂ ਦਾ ਵਾਧਾ ਆਰਥਿਕ ਅਮੀਰੀ ਅਤੇ ਲੋਕਾਂ ਦੀ ਖਰੀਦ ਸ਼ਕਤੀ ਵਧਣ ਦਾ ਬਿੰਬ ਹੈ। ਸਾਡੇ ਇਹਨਾਂ ਸਿਆਸੀ ਲੀਡਰਾਂ ਨੇ ਆਪਣਾ ਨੰਗੇਜ਼ ਤਾਂ ਕੀ ਢੱਕਣਾ ਸੀ ਸਗੋਂ ਬੇਸ਼ਰਮੀ ਨਾਲ਼ ਮਹਿੰਗਾਈ ਨੂੰ ਨੱਥ ਨਾ ਪਾ ਸਕਣ ਦੀ ਆਪਣੀ ਅਯੋਗਤਾ ਦੇ ਹੱਕ ਵਿੱਚ ਹੀ ਖੜ ਗਏ ਹਨ। ਹਰੇਕ ਪੰਜ ਸਾਲ 'ਤੇ ਵਾਅਦੇ ਕਰਨ ਵਾਲ਼ੇ 'ਬੇਸ਼ਰਮ' ਹੁਣ ਪੱਲਾ ਝਾੜ ਰਹੇ ਹਨ!!!
what else we can expect from these people
ReplyDeleteparminder